BE 125 MARLASNIROHA HITA ON
1. Marlasniroha hita on
mamuji Debata
ai asi ni rohaNa i
do bongot tu rohanta i.
Umbaen nuaeng mardomu i
dison sadari on,
dison sadari on.

2.Dibaheni manggogo be
ma hita on sude
mamuji Tuhan Jesus i
Parasiroha Godang i.
Sibaen las ni rohanta i,
nuaeng nang sogot pe,
nuaeng nang sogot pe.

BE 28 HATA NI JAHOWA
1. Hata ni Jahowa,
sipadame jolma,
hangoluan i.
Halalas ni roha,
siapuli roha
ni na marsak i.
Gogo ni Debatangki
paluahon na porsea
sian nasa jea.

2. Nasa tinahina
tagan so ditompa
tano on dope.
Nang na tinuduan
ni sude pelean,
jumpang do muse.
Sangkap ni Amana i
dipatulus Jesus Kristus,
jolma i ditobus.

BE 188 JAHOWA SIPARMAHAN AU
1. Jahowa Siparmahan au,
ndang hurang manang aha.
Ai nasa jea dipadao
do sian dorbiana.
Tongon dibaen na lomak i
lao pangoluhon tondingki
dibaen asi rohaNa.

BE 467 ASI NI ROHAM HUPUJI
1. Asi ni rohaM hupuji
ala Ho manobus au.
Dipaias Ho rohangku
gabe soranganMu au.
Ref:
IngananMu rohanami,
TondiMi manggohi i.
Pangke dohot ngolunami
gabe ulaulaMi.

2. Sai ramoti ma rohangku
asa boi gohanMu au.
Sai mabaor ma pasupasu
nang marhite sian au.
Ref:
IngananMu rohanami,
TondiMi manggohi i.
Pangke dohot ngolunami
gabe ulaulaMi.

BE 361 NA DENGGAN SITUTU DO
1. Na denggan situtu do
mamuji Debata.
Jahowa na tumimbo,
na sai tongtong basa.
Denggan do paboahon
manogot asiMi.
Bodari mangendehon
burjuM nang sintongMi.

2. Mardongan sipiltihon,
na denggan situtu.
Naeng ma tongtong pujion
ni nasa na burju
Ho Tuhan Debatangku
ai las ni rohangki
do na tongtong binaenMu
di pambahenanMi.

3. Ai jadijadianMu
mansai balga do i.
Nang angka pingkiranMu
mansai bagas do i.
Ndang dapot i tandaon
ni baoa na bodo
ai holan sibotoon
ni na porsea do.

4. Martumbur pe parjahat
di atas tano on.
Sobokkon duhutduhut,
ndang mian i tongtong.
Tompu do disiaphon
Ho saluhutna i.
Alai Ho do manongtong,
Ho na tumimbul i.

5. MusuM, o Debatangku,
sibaen na jahat i.
I ma siaphononMu,
marserak ma sude.
Alai patimboonMu
ma au naposoMon.
Huhut pargogoanMu
mamuji Ho tongtong.